"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

YouTube mobil tətbiqində yeni paylaşım funksiyasını istifadəyə verdi

“The Verge” platformasına istinadən bildirir ki, YouTube mobil tətbiqində istifadəçilər üçün yeni bir funksiya təqdim edib. Artıq videoları paylaşarkən istədiyiniz dəqiqədən (timestamp) başlamaq imkanı var. Bu yenilik sayəsində istifadəçilər videonun yalnız müəyyən hissəsini daha rahat şəkildə başqalarına göstərə biləcəklər.

Lakin bu dəyişiklik bəzi funksiyaların ləğvi ilə müşayiət olunur. Belə ki, YouTube-un 2021-ci ildə istifadəyə verdiyi “Clips” funksiyası artıq ləğv edilir. Bu funksiya istifadəçilərə videolardan qısa hissələr kəsərək paylaşmağa imkan verirdi.

Şirkətin açıqlamasına görə, istifadəçilər əvvəl yaratdıqları “Clips” videolarını izləməyə davam edə biləcəklər. Amma bundan sonra yeni kliplər yaratmaq mümkün olmayacaq. Eyni zamanda, paylaşım zamanı videoya son vaxt (end time) təyin etmək və ya xüsusi təsvir əlavə etmək kimi imkanlar da aradan qaldırılır.

YouTube bildirir ki, “Clips” funksiyası yaradıcılar üçün yeni auditoriyaya çatmaq baxımından önəmli idi. Buna baxmayaraq, artıq müxtəlif platformalarda bu funksiyanı daha inkişaf etmiş şəkildə təqdim edən üçüncü tərəf alətlər və proqramlar mövcuddur.